SAGARROIA

 

 Ez ditut atsegin

laztanak zein laudorioak.

Egiten dizkidatenean

zimurtzen dut sudurra

ziplo.

Esan nahi dut,

nire akats eta mugen jabe izanda,

egokieraz baino

maite ez nautenen laztanak,

Edo jakin badakit ere,

gupidaz baino

egiten dizkidaten laudorioak,

maiz ere irainaren pare.

Biak zuriak, biak ispiluaren ifrentzua.

Izan ere, aitor dut:

Ruper Ordorikaren kirikioa naiz.

Bai horixe, Martin Larralde kantukoa,

"Arantzak barrurantza itzuliak dituen sagarroiak lez."