Eskolako lehen egunean okerrena, larriena, astunena, petralena, aspergarriena, ezta haurrak ohetik jeiki, jantzi eta eskolaraino kalean zehar arrastaka eramateko egin beharreko komedia. Ez horixe, ez, ni behintzat benetan, gogotik, errotik, ikara/gogaitzen nauena aspaldiko partez topatzen dituzun gurasoak izaten dira, hau da, zu ikusi orduko "Zer moduz udan?" gizalegezko galdera zitala aitzakiatzat hartuz euren oporrak zehatz-mehatz eta ziztuan kontatu nahi dizkizutenak, egun horretan eginbeharrekoak ez bazenitu bezala. Bada, beraz, momentu oso egokia antigoaleko maisuen makila gogora ekartzeko, noski, baina oraingoan hainbat gurasoren kontra erabiltzeko asmoz.
No hay comentarios:
Publicar un comentario