ERGELAK

 

      Gasteizko Judimendi auzoko Yaël Artsi artistaren artelanean agertutako pintaden kontura, ez dago ezer argiagorik ergel batzuek egindakoak direla, judaismoa eta sionismoa bereizten ez dakiten ergel batzuek, historia apurrik ez dakiten ergelek. Eta bidenabar nolabait ere beste ergel batzuek gogokoen dituzten pintadak euren palestinoenganako berezko ezinikusia edo behinik behin sionistek palestinoen kontra bolo-bolo barreiatutako aurreiritziak zuritzen dituztelako, "Hamas mátalos" hori oso susmagarria zaigulako, denok ondotxo badakigu-eta zera akordura ekartzen digun.

Edozelare, eta enegarrenez, ezin nabarmenagoa da beste behin ere ergelak direla, mota zein leku guztietakoak, gure mundua gogotik, jo eta su, tai gabe, kosta ahala kosta, ozpintzen, zakartzen, hondatzen dutenak. Ergelak dira, izan dira eta izango dira, alafede, gizateriaren arazo nagusia.

Too many idiots, tumatxa!