ILUNKERAREN ZAIN

 

Eta martxo ilun bateko zapatu arrats luze hitsean

Nire barrenera zimel begira etxeko eskina batetik

Bihotzerrea eta ezinegona bat eginda nire adorean

Nitaz erditu zen andre dohakabea ikusteke aspalditik

Gauak ziplo bilakatu zaizkit etengabeko lokamutsa

Goizak itxoiteak bukatzen ez den soka zirtzildua

Gaur beti alperrik bilatutako soseguaren ametsa

Geroa eginbeharreko guztien bihozmin purtzildua

Ekartzen dut egunotan nire gaztaro eroa akordura

Ni naiz tai gabe atsekabetzen zaituen haur bihurria

Maite adinako errieta egiten dizun ergel zuhurra

Ohean zure alboan entzanda sufritzen duen inurria

Minutuak segidan gogobeteko nauen dei baten zain

Orduak erreskadan oroimenaren ariketa mingarria

Egunak herrestan samina behin betiko buka dadin

Etorkizuna atoan zoriontsuak berriz izateko aldarria

* Margolana: Richard Diebenkorn - Untitled #11, From Sketchbook, ca. 1950