BOKAZIOA

 

   - Ez genekien zer egin harekin.

- Zer ba?

- Ez zegoen berarekin ezer diskutitzerik, are gutxiago argudiatzerik. Betiere azken hitza izan nahi zuen kosta ahala kosta.

- Benetan?

- Inork edozer esaten ziola berehalaxe sumintzen zitzaion.

- Nola?

- Ezertan oker zegoela erakutsi orduko. Izan ere, basapiztia baten antzera jokatu ohi zuen.

- Orduan?

- Harekin orotan bat egin behar genuen nahi eta ez.

- Baina hori ez da modurik bizian aurrera egiteko!

- Ez noski, horrexegatik konbentzitu genuen bere neurriko lanpostu bat bila zezan.

- Zein ba?

- Udaltzain, zein bestela?