Behin baino gehiagotan hizpidera ekarri dut hementxe bertan, hau da,
edonon nagusitu zaigun kosmopaletismoaren zantzurik ageriena. Nik
ingelesa maite dut, hainbat urtetan ingelesez bizi nintzen atzerrian
nengoela, ingelesez irakurri ohi dut hizkuntza horretan gogoko dudan
oro, ingelesa lanabesa ere izan dut azken urteotan. Hala ere, bat nator,
zeharo, atzo Berrian agertu zen zuzendariari eskutitz hau idatzi duen
Joxemari Ibarbururekin. Areago, gaur bertan Gasteizen "Oh My Cut"
izeneko ileapaindegi frankitzia baten aurretik igarotzerakoan (bezero
gehienek "omicut" deritzotelakoan nago...) barrurantz begiratu bat eman
diot, eta zera ikusi dut tokadore baten gainean, "The final touch" zioen
iragarki bat, hau da, bezeroei azken ikutua emateko apain-mahaia;
"ointxe, Karmele, emungotzut "defainaltuotxia" eta listo..."
No hay comentarios:
Publicar un comentario