Berak ez zekien idazten amodiozko gutunak
Hasi ohi zen zurrun: "Andere agurgarria..."
Ia guztiak ziren derrigorrez hitz tuntunak
Saioa suertatu zitzaion zinez barregarria.
Nola da posible, arren, tamainako txorakeria.
Bilatzen zuen oro izaten zen erantzun zatarra.
"Bada, berori, neskatila bat limurtzen miraria."
Berak ordea hartu zituen hitz horiek seriotan,
Eta bigarren gutun bat igorri zion pozarren,
"Has gaitezen, bai, lehenbailehen amodiotan!",
Jaso zuen atoan erantzuna dena argitzearren.
"Jaun agurgarria, ulermena agian lausoturik,
Ez da inola ere zu anker zauritzea nire asmoa,
Baina, asmatu behar zenuke inori idatzi aurretik
Amodiozko gutun guztiak; a zelako erridikuloa!"
No hay comentarios:
Publicar un comentario