ARDI BELTZA

Gizaki modernoaren premiak, edo agian betikoenak: nolabait bere barruan onartu eta babesten zaituen talde baten premia, ustezko zein balizko balore edo helburu eder eta justuak aldarrikatu eta alde borrokatzen dituen kausa on baten premia, kausa horren alde egiten duten kideen premia, borrokaideok gidatzen dituen lider baten premia, bederen sekula munduan bakarrik ez egoteko premia, gehiengoarekin beti eta etengabe, kosta ahala kosta, bat egiteko premia, zuk bezalaxe pentsatzen dutenek inguratua, aterpetua, egoteko premia, zuk ez bezala pentsatzen dutenak ahalik eta urrunen izateko edo etsai bilakatzeko premia, zuk ez bezala pentsatzen dutenen ideiak zein iriziak halabeharrez okerrak edo gaiztoak direla sinesteko zein salatzeko premia, zuk ez bezala pentsatzen dutenak zure munduan soberan daudela ebazteko premia. Bizian zehar sortzen zaizkizun zalantzen aurrean sekula aiko-maikoetan ez egiteko premia.