Ah ze plazerra atzo arratsaldean txikitako adiskide batekin hitz eta pitz garai zaharren kontura, barre handi eta goxoak, eta ezer baino lehen gu bezainbeste koxkortutako lagun edo ikaskide ohien nondik norakoen errepasoa egiten, edo bestela esanda, txikitan jatorrak eta zintzoak zirenak handitan nola edo hala eta bizitzaren gorabeherak direla medio, handitan berdin dirautela egiaztatuz. Eta beste hainbeste txikitan zakarrak, gaiztoak, errietazaleak, egiazko basapiztiak zirenekin, handitan sasikume galantak bilakatu baitira, hau da, euren ingurukoekin txikitan bezala zakar eta maltzur jokatzen dutenak, hots, lanean pufoak eta edonon uzten dituztenak edo PPn sartutako lau katu beltz-beltzak... Munduan zehar denetarik gertatzen baita, mota guztietako bidegabekeriak, sarraskiak, iskanbilak, noski baietz; baina sortzen dituztenak gure aldamenean ere koskortzen dira.
No hay comentarios:
Publicar un comentario