Hasi da Gabonetako erromeria,
Urruneko etxe arrotz batera naramate gatibu.
Ospatzeko abenduroko komeria.
Ea aurten ere suertatzen naizen salbu.
Emazteak agindua eman dit oso argi,
Saia hadi kexatzen ahalik eta gutxien.
Kontzientzia ordea nik dut beti garbi,
Emandako hitza bete ohi baitut sarrien.
Ni nabil etxean barrena txoko baten bila.
Eguberriko pozkario faltsuak harrapa ez nazan.
Saihestu ahal izateko euskarri dut botila.
Nire ohiko mamuak doaz nire atzetik ehizan.
Edonora begiratzen dudala dena da tristura.
Egunotako gezurrak eragiten duen eldarnioa.
Behinola zoriontsua izan nintzeneko ahaztura.
Bihotza puskatu zidan ezbeharraren poderioa.
No hay comentarios:
Publicar un comentario