AZKEN EGUNOTAKOA

Bai, euskal marka petrala badago ere.

Erabat ados nire hauekin batera igotzen ditudan Iñaki Kortabitarte lagunaren hitzokin (ez, ezin dut, ez dakit, testu bat FBko lagun baten harresetik nirera aldatzen, lehen hain erraz, ezelako oztopo barik, egin ohi nuen moduan...) Negar/lotsagarriak, patetikoak, dira iraganari atxikita jarraitu nahi balute bezala, batez be orduko demagogiari, baliteke euren nagusien gaztaroa, edo agian beraiek galdutakoa, nola edo hala berpizteko asmotan. Edonola ere, beldur naiz ere egiatan soziopatologia narzisista-peterpanzale larri bat den, hau da, politikarekin bainoago sikiatriarekin zerikusia duena, "be5din dit delako matxinadak ez buru ez belarririk rz badu, Iñakik berak polito dioen bezala "mozkor borroka hutsa" bada, "euskaldun abertzale edo ezkertiarra baldin banaiz, ni beti eta printzipioz subertsioaren alde erdipurdikoa izanda ere." Eta zer esanik ez, jakina, kartzelatik ateratako etakideei egindako "ongietorriak" zein berauek kosta ahala kosta zuritzeko azalpenak, hau da, ETAren bortizkeria/bidegabekeria nozitutakoekiko arduragabekeria samingarria, barne. Labur bilduz: peterpanzalekeria politiko peto-petoa. Baina, lasai, errua nirea da aurki, oso fatxa omen naiz eta; bestela nola ulertu lelo atsekabegarri honen kontura behin eta berriro, jo eta su, idatzi ohi dudana, ezta?

"Inolako eraso eta zapalkuntzarik gabeko auzo baten alde". Hori dio Plataforma honek. Prebentzio neurriak ez jarraitzea ez da zapaltzeko modu bat? Pandemiaren kudeaketa negargarria diozue?  Zuek bai negargarri. "Mozkor borroka" eta bere komunikatuak. Horrela deitzen diot nik. Hara hor Euskalerrian gertatzen den fenomeno bitxi bitxi bat. Tabernan egoteagatik gertatzen diren arauen urraketak lehenik, polizia pilaketa bidezko kutsaketa ekiditera datorrenean liskar gogorrak gero, eta ondoren "Plataformak" eta komunikatuak. A zelako komeria!"

Iñaki Kortabitarte

https://www.berria.eus/.../parte-zaharra-aske-plataformak... 

VANITAS VANITATIS

Atzo arratsaldean nire txikinarekin etxe inguruko parkean barrena paseatzera joan nintzela gure aurretik zihoan bikote bati zera aditu egin genion ustekabean:

- Yo he sido uno de los responsables de la recogida de residuos para todo el área de Oviedo.

- ¿En serio? Pero, ¿cómo, de técnico o de asesor en la concejalía?

- Bueno, más bien a pie de calle.

- Vamos, de basurero...

Benetan zin dagit. Nik, jakina, behin baino gehiagotan hementxe bertan idatzitako txiste bat gogora ekarri nuen behingoan:

"- Bai, aitte “Comerciante naval” zuan; bai “negocio de nabos”, baserrittarra esaten badok pobretzat joten haue ta."

Eta zer esanik ez, gure aitaren pelukeria akademian, FP1 gradua edo ematen genuenean, ikasi egin zuen neska kolonbiarraren auzkezpen txartela ere laster akordura, non neskak idatzita zuen: "Licenciada en Peluquería y Estética; estudios superiores". Ba hori, vanitas vanitatis.

Eta, jakina, nola ez lagundu hitzoi Printze Txikiak Haundiusteko bat bizi zen planetan atseden hartu zueneko iruditxo batez...

- Oraingoan epelagoak garela adierazi beharrean gaude.

- Bai, horrexegatik esan dut emakumezkoek eskubide guztiak izango dituztela Xaria Legearen barruan.

- Jakina, emakumezko batek Erdi Aroko lege baten arabera eduki ditzakeen eskubide guztiak.

- Ez al gara epelegiak?

- Baliteke bai, baina badakizu dena komeria hutsa dela dena bere onera itzuli arte, gure onera diot.

- Bai jauna. Gainera hori da Dohan adostutakoa, ezta?

- Horixe, bai.

Esaidazue egia, berba egiteko modu bat bada ere, ba al da ala ez geure garaiotako itxurakeriaren ikurra EHko herri edo haran gehienetan halako iragarkiak jartzea? Ez dugula eraso sexistarik onartzen? Zer adierazi nahi didazu, gure bailaran ez baina ondokoetan bai, lehen bai baina gaur egun ez, erasoak sexistak baldin badira ez, baina beste motakoak aldiz "barra libre", debalde eta parrastaka, iragarkia ezarri arte ohikoa zen, baina ezarri eta gero...? Benetan diot, hain agerikoa denak behar al du halako iragarkirik herrietako sarbideetan ala herritarren burmuninean?