Gaur oso goizean goiz gure etxearen ondoko parkean zehar maldan gora eta behera nenbilela, inoizko untxi bilketa edo agian batzarrik handiena. Orduantxe nire paretik zebilen alegiazko ibiltari bati galdezka aritu natzaio.

- Nola da posible hainbeste untxi...?

- Erresuma Batuko erregina Isabel II.ren zerraldoa parketik noiz pasatuko zain ari dira.

- Benetan? -eta honekin batera inoiz egin dudan galderarik txatxuena alegiazkoa izanda ere.

- Ezetz? Aizu, motel, egunotan hedabideak ematen ari diren matrakari, eta batik bat kalaka amaigabekoari, erreparatuz dena da posible, ezta?

- Baliteke bai, eta dena monarkiarekiko atxikimendu emozionala bezain irrazionala kosta ahala kosta sustatze aldera.

- Besterik ezean...