ARIMEN EGUNA

 

  Hildakoen egunean

nik ez dut hilerririk,

loreak-eta eskuan,

joateko penaturik.

Ez, ondo asko jakinda

lursail murritz batean

datzala neure abenda,

edo izan zena arestian.

Nire hil bakarraren errautsak,

dautza gereziondo baten azpian,

bailiran ehortzitako zaputzak,

oroitzak omen ditugu bertan.

Laster utziko dugu etxe hartan,

fetitxismo hutsa baino ez dena,

nik egunero izaten baitut gogoan,

lorerik eroateke, nire aita zena.