BANEKI

       Baldin baneki komeni zaidana

Ez nintzateke hain ganorabako

Dena balitzait bezala asperdura

Ezustean.

Baldin baneki komeni zaidana

Ez nintzateke liskarretan sartuko

Zergatik? Ez dit batere ardura

Aurrerantzean

Baldin baneki komeni zaidana

Ez nieke guztiei adarra joko

Edozein huskeriaren kontura

Etengabean.

Baldin baneki komeni zaidana

Ez nuke alperrik galduko

Orotan hartzen dudan ardura

Ezerezean.

Baldin baneki komeni zaidana

Popatik hartzera nuke bidaliko

Errieta egiten didan ahots hura

Oharkabean.

Baldin baneki komeni zaidana

Ez nukeen betidanik lehentsiko

Bizia lardaskatu didan literatura

Noraezean