PERIE HASI DA!

— Zer dela eta hain pozik, neska?

— Durangoko Azokia hasi dalako!

— Ez nekinan hain kulturazalea hintzenik.

— Ez non oso, egixa esanda, ez; baia, nire mutikoaz geratu non Durangon bueltatxo bat emuteko. Badakin, pare bat liburu edo diska erosi eta gero derrigorrezko poteak hartzearren.

— Azokan?

— Durangoko alde zaharrian. Azokara sartzen dana nire nobixua izeten don, oso euskaltzalia don, euskal filologia eta guzti ikasi jon.

— Liburuak eta diskak erosi ohi ditun?

— Nik ez, bapez. Nire nobixuak ostera bai, urtero pare bat liburu edo diska erosi ohi jon gutxienez. Lehen esan badunat oso mutiko irakurzalia, ikasia, dala. Baia, Durangora faten garenien ni beti azokatik kanpo geraketan non harek Azokan zihar bizpahiru buelta lasai askoan emun daixen. Badakin, ez jakon bape gustetan ni bere aldamenien eukitea nobedadiak eta ikusi bitartian, aztoraketan dotela esaten jon.

— Hik ez dun irakurtzea gogoko?

— Egixa esanda gutxi. Nozbaitzuetan liburon bat edo erosten jonat oporretan, hau da, hondartzan gaozela leitzeko; baia beti erdaraz, euskaraz kristona kostetan jaten eta.

— Baina hik ikastolan ikasi dun!

— Bai, neska. Baia, ikasgelako batuera ziharo ahaztuta jaukenat, ikastolatik kanpo, egixa esanda herritik kanpo, inogas berbetan eitten ez dotelako, beti geure herrikuaz, etxekuek irakatsitakua, egiazkua. Batuera primera ulerketan jonat, jakina; baina, ez jaten bape gustetan, artifiziala, plastikozkua, begitantzen jaten.

— Eta ez al din pena ematen euskaraz irakurri ahal ez izatea?

— Esan badunat irakuketan doten apurtxua erdaraz dala; horregas nire burua dexente beroketan jonat.

— Denok berdin egingo bagaixon euskalgintza akabo!

— Aizan, neska, igaz Ken Zazpiren azkena erosi naixonan, nik euskarazko musikia entzuten jonat... nozik behin.

— Euskarazko literatura ordea...

— Esan badunat nire nobixuak urtero pare bat liburu edo erosten dauela. Izanbe, etxian bajauken pila bat apaletan ikutu barik.

— Ez al ditin irakurtzen?

— Berak be erdaraz leitu gurago jon; errazago jakola esaten jon.

— Bada, esaion gauza eder asko galtzen ari dela euskaraz ez irakurtzeagatik, gauza benetan interesgarriak, hunkigarriak, izugarriak. Gainera, gaur egun euskaraz denetarik zagon. Nobela beltza atsegin al zaion?

— Bai, pila bat, Dolores Redondoren Baztango trilogiaren lehenengo bi nobeliak leitu jittun.

— Bada, esaion hirugarren nobela euskarara ere itzulita dagoela.

— Ah bai? Ze ondo! Esango jutzenat erosteko, bai.

— Ondo ba, euskarazko kultura sustatu behar dinagu eta.

— Jakina, euskaldunak gaittun, ezta? Hi Durangora fango haz?

— Bai noski, urtero joan ohi dinat.

— Ederto, tabernaren baten topetan bagaittun pote bat atarako dunat. Oso giro politta egoten don Durangoko alde zaharrian, oso euskalduna.