Hilko/hiltzen zarenean lau katuk baino ez dute zure hilobiaren aurrean negar egingo, hau da, zure oso-oso hurkoek. Gauza guztiz ulergarria, noski. Hala ere, gainontzekoek ez dute negar malkorik isuriko, ez dute ezer ere esango hilobiaren aurrean gizalegeak eraginda. Euren barrenean ostera lasaitu ederra hartuko dute, zuk inguratzen zintuen oro kakazten baitzenuen, zu inguratzen zintuen inoren kontura betiere gaizki esaka ibiltzen baitzinen, zuk inguratzen zintuen edonor deseroso, dohakabe, bilakatzeko ohitura/joera zenuen; bai, baina batez ere zu inguratzen zintuztenen arteko harremanak hondatzeko gauza baitzinen. Zu, inoiz asmatu behar zenuen, pozoi hutsa zinen. Horrexegatik ere zure mingainari hozka egin zenion egunean behartuta inguratzen zintuzten guztiok irri maltzur bat egin zuten.
No hay comentarios:
Publicar un comentario