INFERNUAREN ATARIAN

-Egia al da, aita, infernua ezagutu zenuela?

-Bai, seme.

-Non izan zen, Siria edo Ukraniako guda zelaietan, Afrikako goseteetatik ihes egindako errefuxiatu eremuetan, Kantauri isurialdeko suteetan edo Madrilen gobernua osatzeko PSOEren biltzarretan?

-Ez, seme. Atzo ezagutu nuen Gasteizen Gabon Zaharreko afarirako erosketak egitera zein Olantzeroren opariak hautatzera bajatu nintzenean. Eta gaur ere atzo ahaztutako zenbait gauzaren bila itzuli behar dut. Lagunduko al didazu?

-Aita!

-Bai, seme?

-Beldur naiz.