OPARITXOAK

Senarra haurren eskolatik bueltan emazteari galdezka.

-Bakizu zenbat euro ifini biher izen doten geure txikerran ikaskidean urtebetze festarako?

-Guraso guztiok hogeina euro.

-Eta ez jatzu larrei iruditzen, zer dala eta hainbeste?

-Amak bidaldu zigun whassapen bidez bere semeak desira zituen oparitxoen zerrenda.

-Oparitxuek? Ene, zenbat guraso daz? emun daigun hogeika, hau da, guztira 400€ inguru, umia Eurodisneyra bialtzeko beste eta PS4 bat erosteko beste hainbeste...

-Aizu, Txabi, ez al duzu uste exajeratzen ari zarenik? Gonbidatu gaituzte, ezin genuen ezetz esan.

-Exajeretan nabilela? Eta gonbidaketan bagaittue gurasoen ezkontzara, eztei-biajia be pagauko dotziegu?

-Zuk badakizu nik bezain ondo badagoela ohitura, aspaldiko partez, ezkontzetako gonbidatuek diru kantidade bat banku korrente batean sar dezaten.

-Eneeee, eta urrezko ezteietarako hondartza ondoko txalezitue edota 4x4 barrixe be ordaindu biher guskie?

-Benetan Txabi, ez nekien nik arrasatearren zikoitz fama norainoko egiazkoa zen, zeinen esku laburra zinen.

-Ni eskulaburre? Ezta pentsau be. Oin bai, gauzak horrela hurrengo urterako ezkonketaz pentsetan hasi behar gitzake gu be bai...