Etsiak ezustean harrapatzen zaituenekoa. Geldiarazten zaitu. Zure burua biziaren ispiluan ikustera bultzatzen zaitu eta bertan topatzen duzuna ez zaizu inoiz eta inondik ere atsegin. Hauskorregia sentitzen zara, batez ere gainerakoen aurrean, ia biluzik, elbarri. Ispilua puskatu gura duzu. Ispiluko isladak errealitatearekin talka egiten duebean bada garaia zure bizitza goitik behera aldatzeko, iraultzeko. Halere, erabateko zein betiereko bizi aldaketa baterako planak eta egiten dituzunean, badakizu ezer berririk egiteko adorerik, kemenik ez duzula. Agortuta zaude, lur jota, asper eginda, bentzuturik; horrexegatik ere etsimenduaren gatibu zara, zure gezurretan bizi izateak eragiten dizun nekea sarri askotan eramangaitzegia bilakatzen baita. Etsipena omen da zure buruarekin egindako inbentarioaren ondorio zintzoegia, zure begiratua iruzurrez betetako ispitutik baztertzearen emaitza zitala, iruzurra ezinbestekoa baita etsiak harrapa ez zaitzan.
No hay comentarios:
Publicar un comentario