Nire amaginarrebarenean bazkaltzera joan naiz azken hiru alditan: Aurrenekoan otarrainxka erdi ustelak bota zituen paellan. Bigarrengoan zurmindutako asturiar odolosteak fabadan, eta hirugarrengoan, joandako zapatu honetan, piper lizunduak, ozta urdinak, probatzera eman zizkidan. Gero gerokoa, bart ohean iraulka egon naiz etengabean, harik eta, emaztea ez molestatzearren, egongelako sofara aldatu naizen arte; sabela erabat puztuta eta gasez mukuru, egundoko buruko minez, ia-ia erditzekotan. Tamalez, biharamunean sofan izerdi patsetan zegoen kuskua ni neu nintzen... inolako metamorfosisen arrastorik ez.
No hay comentarios:
Publicar un comentario