PIZTIA

Piztia sortu zen 

bere herriaren etxea

defenditzeko,

otsoen kontra,

sikatearen kontra,

lukurreriaren kontra,

justiziaren kontra,

.

Piztiak hondatu zituen

herriaren aziendak,

soloak,

pinudiak;

Piztiak galdu zituen

korrituak,

errentak,

interesak,

alperrik.

Piztiari 

armak kendu zizkioten

eta eskuarekin hondatu zuen

bere herriaren etxea;

eskuak ebaki zizkioten,

eta besoarekin hondatu zuen

bere herriaren etxea.

Piztia utzi zuten

besorik gabe,

sorbaldik gabe,

bularrik gabe.

Eta arimarekin hondatu zuen

bere herriaren etxea.

Piztia hilen da,

bere arima galduko da,

bere askazia galduko da;

baina Piztiaren arima

iraunen du

elikatu zuten bihotzean.