IPUINAK

Ipuinak neskatoentzat edo mutikoentzat bereizturik? Txanogorritxo mutiko ala neskatoendako? Edo bestela esanda, eta zenbaitzuen irizpideen arabera, Errauskine bezalako ipuin bat neskatilentzat propio idatzitakoa ote, eta Jon Beldurgabe aldiz mutilentzat? Izan ere, ipuinak norendako bereizten hasita, zera ondorioztagu behar genuke gainerakoekin: Ahateko Itsusia nerabeentzat propio asmatua? Otsoa eta Zazpi Antxumeak etorkizuneko enpresa-gizonendako propio ere? Baserriko Abereak baserritarren seme-alabentzat? Hansel eta Gretel haur potoloendako? Sineratxoa igeriketa sinkronizatua egiten dutenen neskendako? Pinotxo politikarien seme-alabentzat? Hiru Txerritxoak euren etxeetatik kalera botatako...? Edonola ere, ez dakit gero eta atzerantzago goazen edo sekula ez ginen uste bezain aurrera iritsi.