AIDE ANDIOK BIDALDU DEUSTAE

"Aide andiok bidaldu deustae, abuztuko egun sargoritsu honetan, nire herriko jaiak azkenekoz ere derrigorrezko ajeaz pasata, nire doktoretza-tesa aurten behin betiko bukatzeko eta batez irakurtzeko hamaika paper sorta eta liburu mardul-mardul. Bihar bertan buru belarri hasiko naiz. Ezinbestean, nire senide, adiskide eta lagun gehienek Mediterraneo aldeko kostalderantz ihes egin bitartean nik udako uporrei uko egin diet gaur arte ziborratzera soilik heldu naizen idazlana, karrera orain dela hamar urte bukatu nuenez geroztik, behingoz burutzearren. Behartuta, datorren ikasturtean fakultatean euskal adarreko ordezko irakasle izateari uzteko aukera ezin hobea izango dut Aro Berriko Historia irakasle izateko lehiaketa baldintzak argiratu orduko, doktoretza ezinbestekoa suertatzen zait eta, aintzakotzat hartuta ere dagoeneko bost urtetan astero bizpahiru orduz Kristau munduaren haustura eta katoliko eta protestanteen arteko gatazken edota Espainiar Koroak bere lehentasunari eusteko aurrera eraman behar izan zituen ahalegin itzel zein borroka amaigabekoen kontura hitz eta pitz ihardun dudana".