Irakurri berri diot Rufino Iraolari kontuan hartu behar genuela justizia eske gaudenean mendekuaz ari garen ala ez. Eta bai, aurki ezin da egon zuzenago, hori ematen baitu etengabe norbaitzuen aldetik datorkigunak, hainbeste sufrimendu, oinaze, min eragin dizkietenei euren ordea emateko gogoa, irrika, eta horrek badu oso izen argi eta garbi bat: mendekua. Ba al dago mendekuaren eskubidea gure legediaren oinarrian, Orde Bereko Legea al da honen iturria, biktimen mendeku desioa asebetetzeko propio sortua al da, ala errudunen krimenak zigortzeko Zuzenbidearen filosofia zaharberritu eta bergizarteratzaile baten arabera. Badirudi zenbaitzuen hautua oso argia dela, Ertaroa du izena. Azken hau jakina laster, honezkero ez bada, tabu garbia bilakatuko dute betikoek, ezin dena esan, pentsa, badaezpada, hau da, ETAren laguna edo zarela leporatzearen beldurrez, inkisidoreen herrian beldurra beti lagun.
No hay comentarios:
Publicar un comentario