ESKLABUTZA

Bitxia da, gero, paradoxa ederra, argazki honek iradokitzen didana. Beltzok erreskadan txapelokerrek zainduak Espainiako, Europako mugetatik at kanporatze, jaurtitze aldera marokoarren eskuetan utziz; hau da, behiala, edo agian ez hainbeste, arabiarrek edo beste beltz batzuek Afrikako euren herrixketan harrapatu eta merkatari zuriei saldu eta gero Europara bertara edo Ameriketako kolonietara bialdu, sartu ohi zituzten bezala gutxi gora behera. Esan, esango digute hainbat adituk Historia ekonomikoaren gorabeheren ajeak direla, bai noski; merkantzia, ordea, eskaera handia dagoelako garai kolonialetan bezala edo, guztiz kontrakoa, soberan zegoelako gaur egun bezala, beltzak berauek, hots, munduko behartsuenak omen dira.