KAFETEGIKO KRONIKAK

Gaur kaleko kafetegi berrian, azken garaiotako kontua enegarren aldiz erretolikabide bezero baten ahotan: "ba al dago munduan espainola izatea baino gauza ederragorik?" Buffff, hau nekea, hau! Ba al dago munduan euskalduna izatea baino gauza ederragorik? Zenbatetan aditu egin dut halakorik edo antzekorik gurean, gurea bezalako hain herri zilborzalean? Eta zergatik ez: "ba al dago munduan gizakume zintzoa, bihotz/eskuzabala, atsegina, jatorra, serioa, adoretsua, ausarta eta abar izatea baino gauza ederragorik? Baina ez, gutxitan adituko diozu antzekorik bezero ahoberoari, sorterriari lotutakoa baizik berezko meritoa balitz bezala, aldarri egiten duenak bere buruaz harrotzeko besterik ez balu bezala. Eta aberrrikeria aspergarria bezain barregarria litzateke, bai, hainbeste ergel ez balego aldarrion atzean.