TETATINA

-Eta zu ez al zara inoiz blusa izan?

-Ez, ez eta gogorik ere.

-Zer dela eta?

-Ez dut sekula blusaren premiarik izan nesketan joateko.

-Baina bada jaietan neskengana arrimatzeko aitzakia aparta.

-Baliteke, baina behin arrimatuta adurra badariozu, akabo. Edo are okerrago, mozkor-mozkor eginda arrimatzen baldin bazara eta neskaren borondatearen kontra...

-Baina hori topiko hutsa da, neskengana arrimatzen diren blusa gehienak modu onean, gizalegez, txintxo-txintxo egin ohi dute eta, gainpasatzen direnak banaka batzuk ez dira.

-Zurekin bat nator, baina banaka horiek dira blusaren premia dutenak.