BANATZEKOTAN

Badu bere zera, banatzekotan dauden bikoteen modura berak ordura arte ukatzen zion guztia agintzen dio besteari etxetik ospa egin ez dezan, "gaurgero merezi duzun bezala maitatuko zaitut, moñoña", hau da, nolabait adierazi nahian ordura arte harekin behar bezain ondo jokatu ez duela, berarekin uzkurra eta baldarra izan dela nahita, hau da, baietz ba, joan nahi duena zuzen zegoela merezi bezala tratatzen ez zuena leporatzen zionenean. Beranduegi, laztana? Hori ez dakit nik, eta gainera ez dit axola, ni ez naiz sartzen gainerakoen bizimoduan, eurek konpon dezatela eurena.