TRANBIA

Tranbiadun hirien ajeak edo zer dela eta nire herrian beti gidatu ohi duen nire emazteak:

-Ezin asmatu zer nolako nekagarria begitantzen zaidan hiri honetan kotxez ibiltzea ditxosozko tranbiaren erruz, urduri ipintzen naik erabat eta etengabe.

-Zer ba?

-Ez al haiz konturatu?

-Bai, bazakinat apurtxo bat arriskutsua dela tranbia ez dakinala nondik azalduko kotxez joatea, baina edonola ere adi-adi gidatzearekin nahikoa dun...

-Ez, ez duk hori, esan diat ea ez haizen konturatu semaforoa gorri zegoenik.

-Bai, laztana, baina ez zegonan gorri, anbar baizik.

-Eta oraintxe bertan ezustean aurreratu zaituen kotxe hori ikusi al duk?

-Bai noski, zergatik dion?

-Barra-barra hitz egiten dualako eta ezertan fijatzen ez haizelako.

-Nolaaa?

-Ikusten? Ez al duk ikusi errepidea zeharkatzear zegoen oinetako hori?

-Baina ez dik gurutzatu!

-Berdin ziok, ez hintzatekeen fijatuko...

-Ez naizela ezertan fijatzen?

-Gidatzen duanenean ez, ala bestela zer dela eta daramaan bigarren martxa sartuta aparkalekutik irten garenetik?

-Bigarren martxa?

-Bai, baina ez ezak orain aldatu!

-Nola ezetz?

-Ezetz esan diat...

-.....................................