MALDAN BEHERA DOA AGURO NIRE BIHOTZ BILUZIA...

Atseginen dudan eda gordinen den nire euskarazko idazlana:

"Zoritxarrez, dagoeneko nire nebak hain gogoko duen purrustada luze

batez garbi eta argi erantzun badit ez duela inolako gogorik

niri Luzaroraino laguntzeko, berdin diola arestian gutaz ezer

jakin nahi ez duen udaletik hots egin didaten ala ez, hau da,

gure aitaren hileta egunean eta ondokoetan inolako doluminik

jaso ez genuen udal petraletik, nire neba kalean, herri osoaren

aurrean, gogotik jipoituta izan eta gero inolako babesik eskaini

ez zion udaletik, gure aitaren lantegia saltzerakoan mota

guztietako erraztasunak eman zizkigun udaletik, gure gurasoen

etxea modu onean mantentzeko mota guztietako eragozpenak

ipini zizkigun aldi berean. Hau dela eta, onartu beharrean

nago gorazarrean egongo diren luzarotar prestu eta orain hain

bakezaleak – nire koinatak esan badit ere udaletxeko balkoi

nagusian ETA EZ leloa duen pankarta zuri handi bat zintzilikatu

egin dutela- direnen begiradei bakar-bakarrik aurre

egin behar izango diedala. Begirada andana nire gainean, ezagunak,

zorrotzak, lehorrak, beharbada kuxkuxeroak ere bai, ea

nik euren begirada luze eta sarkorren aurretik pasatzerakoan

nola jokatzen dudan asmatu nahian.

-Abalosen alabia, bai, ez al dezue gogoratzen, egunero pianua jotzen

zuana, oso neska lotsatixa, andra galanta aldatu bazaku!"

MALDAN BEHERA DOA AGURO NIRE GORPUTZ BILUZIA - Txema Arinas (2009)