Izan ohi nintzen hain harroa
Dena nuelakoan ezagun
Ezer ez zitzaidala arraroa
Handiustea dut bizilagun
Urteak azkar pasa ahala
Jabetu naiz egia borobilaz
Behartu nau izatera apala
Ohartuta nire orain umilaz
Gaurkoa izaten zait arrotza
Maite nuen mundua amilduta
Gainbehera betiere zorrotza
Ederra ez den oroz aspertuta
Egiten diot ulergaitzari muzin
Garaiotan gorantz nire akabera
Geroa asmatzeak egin dit min
Gaztea da aldiz nire arrangura
No hay comentarios:
Publicar un comentario