EPAILEAK

 

- Aizue, sentsazio hau polita al da, ezta?

- Zein sentsazio?

- Ba hori, nola edo hala ahalguztidunak garena. Bakizue, edozein salaketa aitzakia dela herri xeheak demokratikoki hautatutako politikariek aurretiaz erabakitakoa edo lege egindakoa errotik aldatzeko edo agian ezabatzeko gai garena.

- Bai, egia da, hasi zen Pandemiarekin eta ezari-ezarian ikaragarri ondo eta batez ere pozik ohitu egin gara.

- Beitu, oraingoan hizkuntza politika ari gara. Izan ere, Euskararen aldeko hizkuntza politika egiteko eta euskararen aldeko politika publikoak egiteko tresneria desegiten ari gara.

- Pentsa, halakorik egiten ez baldin badugu baliteke laster gure seme-alabei, Euskal Elkargoan edo menturaz Nafarroan ere, epaile izateko euskararen ezagumen maila bat eskatzea ere!

- Orduan zer dela eta euskaraz ari gara oraintxe bertan?

- Zergatik? Epaile ahalguztidunak garelako, gure apeta guztiak asebetetzearren boterea dugulako,

- Supermanen antzera?

- Bai zera! Arlote handiusteko hori herenegun auzipetu nuen baimen barik hegan egiteagatik.

- Hori da, hori, izorra dadila!