MAITEMINETIK MAITEPOZARA

 MAITEMINETIK MAITEPOZARA

https://youtu.be/R0S3C087Vic?si=wbYjIGZ4A4txOwdN

Behiala izan nuen,

Antzina,

Bihotza milaka puxkatan

Zatiturik.

Ahaztu dut nork, edo

Beharbada

Ez dio inori inporta

Ez eta niri.

Saiatu nintzen ordea

Konpontzen

Behin eta berriro,

Beti alperrik.

Pasio errearen txingar eta ilintien gainetik

Berriz maitatzeko ezintasun etsigarri hura

Amodio faltsu batetik hurrengora noraezean.

Kiskali nuen denbora

Etengabean

Debaldeko engainuetan

Atsekabeturik.

Jokatu nuen baldar eta zakar

Axolagabe

Zinez maitatu ninduten anitzekin

Erresumindurik

Ez nintzen inor maitatzeko gai,

Zu agertu arte,

Zuk aspaldiko partez puxka guztiak 

Betiko jasorik

Orduz geroztik, urruti nabilela zugandik,

Badut gogoan gauza bakar eta behinena

Laster bueltatzea nire Sweet Carolinera.