martes, 21 de julio de 2015

KAFKAKERIAK



Gaur goizean Osakidetzako egoitza bateraino joan naiz nire amarendako gurpil-aulki bat eskuratzeko galdezka. Funtzionariaren mahaiaren aurrean nengoela familia-medikuak izenpeturiko ziurtagiria luzatu eta gero ohiko hamaika galdera, egozpen edo ezustekoren zain nengoen, hots, ziurtagiria motz edo gaizki idatzita zegoela, beste antzerako hainbat ziurtagiri edo zigiluren premia ezinbestekoa, ziurtagiria egiatan baliozko egiteko oporretan egongo zen beste funtzionari baten sinadura edota auskalo zer besterik. Bat ere ez, funtzionariak ez dit inola eragozpenik jarri. Alderantziz, mota guztietako errazpideak eskeini dizkit, gurpil-aulkia mailegutan emateko zein berri bat erozteko diru laguntza eskatzeko. Printzipioz bi hilabetetan gutxienez berri bat erosi aurretik maileguzkoa aukeratutakoan nire gogoko gurpil-aulkia hautatzeko hamaika aholku zein argibide emane dizkit guztiz adeitsu, eder. Horrenbestez, egoitzatik aukia eskuetatik ondo oraturik, pozarren eta ia ezin sinetsirik, txunditurik, irten naiz. Ezin esan, beraz, zer nolako kalteak egin zizkion Kalkak funtzionarien ospeari...

No hay comentarios:

Publicar un comentario