Goizero kafesnea zerbitzen didan errusiar neskari erreparatuz zera gogora etorri zait, edo zehatzago esanda, bezeroak hain zakar tratatzeko duen joeraz gogoeta eginez, hau da, motiborik gabe esperoan edukiz, ia beti bekozkoa jarrita, kobratzerakoan betiere aiko-maikoetan molestatuko balu bezala, eta jakina, gehienetan ere, nirekin beti behintzat, agurrik ez; neskak behialako Sobietar Batasuneko erakunde bateko arduraduna edo funtzionaria balitz bezala tratatzen gaituela. Gauza benetan bitxia badirelako hogeita bost urtetik gora delako Sobietar Batasuna amildu egin zela, harresi famatua bota egin zutela. Horrenbestez, ezin ageriago da jokaera hori etxean edo kalean ikasi duela txikitandik ezinbestez, bere herriaren iraganeko berezko eragin edo aje bat bailitzan. Harritzekoa? Ez, ez dut uste egunero gure artean frankistak balira bezala jokatzen baina frankismoa ezagutu ez duten gazteak ikusten ditugulako, hori edota ETAk armak utzi eta gero oraindik ere haiek ez bezala pentsatzen dutenei berebiziko mesprezuz begiratzen dieten euskal abertzale suharrak, hots, mundu honetan soberan baleude bezala...
No hay comentarios:
Publicar un comentario