AZKEN EGUNOTAKOA

 Bizi naiz nire oraina bailitzan etengabeko loerrea.

Amesgaiztoetan eraikitzen dut nire etorkizuna.

Eusten diot gozagaitza zaidan bizimoduari itzarrik.

Kexa eta etsia egin ditut nire nortasunaren ikurra.

Hori da saltzen dudan pertsonaia

Ezezagunek erraz erosten didatena.

Herriko plazan barregarri azaltzekoa.

Hala ere, gaur eta beti biziko ahal naiz lozorroan!

Amilduko balitz dohakabe egiten nauen ametseta

Bizitza ozpintzen didan ezinegona balitz lo-aizuna

Itxura eta txantxa ditut nik egiazko aiurri bihurria.

Hori da salgai dudan gezurkeria

Ezagunek agerian laster jartzen didatena

Etxekoak behin eta berriro aspertzekoa

Dena da komedia

Baita tragedia ere

Noiz bata ala bestea

Sekula ezin asmatu