-Benetan diot, pasatzen ari zaretelakoan nago.
-Baina nori okurritu...???
-Niri esan zidaten erregeak gurasoak direla esateko.
-Baina hori nork esan zizun?
-Bilduko zinegotzi batek omen.
-Ah, bai, hori bakarrik?
-Ez, "Gora Olentzaro!" ere ozen aldarrikatzeko eskatu zidan. Halere, plazako guztion aldartea ikusita kokildu egin nintzen, alafede.
-Gaitzerdi...
-Baina, esaidazu benetan, hainbesterako izan al da?
-Esan dezagun zure herrira kateaz gainezka eta guzti estraditatzeko adina, Espainiako guraso gehienek aho batez eskatuta; begira bestela sareetan zer nolako zalaparta eragin duzun.
-Banekien nik euskeraz egin behar nuela, baina.
-Berdin dio, Voxekoek zure burua eskatu dute dagoeneko; kanpotik gure espainiar tradizio jatorrak propio suntsitzeko etorritakoa zarela esanez.
-Nik txantxetan baino ez nuen egin nahi...
-Garaiotan? Baina, baina, inuxente hori...
No hay comentarios:
Publicar un comentario