Elurra oso aspaldi ez bezala. Eta, auskalo noren edo zeren madarikazioa balitz bezala, baina berriro ere etxean konfinaturik...
-Erregeak nire gurasoak direla?
-...
-Zer nahi duzue esatea, nire aitak Olentzeroren antz handiagoa duelakoan nago; baina, tira, zuek baldin badiozue...
-...
-Bai, egia da, gu etxean garen hiru astapotroak aintzat hartuta, gure ama bai dela magoa, baita majoa ere.
Urte luze zital gaizto krudel baten akabera
Honaino iritsi gara doi herrestan akiturik
Bidean utzitako lagun eta ametsak atzera
Tai gabe eta orotan huts egiteaz nazkaturik
Nire burua gogotik engainatzeaz aspertuta
Nire denbora erruz alperrikaltzeaz damututa
Nire albokoak egunero nazkatzeaz nekatuta
Nire gogoa beti ezinetan saiatzeaz harrituta
Urte berri bat dena errotik iraultzeko aukera
Hemendik aurrera goiari eusteko agindurik
Bide berriak asmatu eta jorratzeko irteera
Agurra osasunbide bakarra dela sinesturik
No hay comentarios:
Publicar un comentario