GIZAKIAK OTE?

 

    - Ama, zergatik bonbardatzen gaituzte etengabean, zergatik akabatu gura gaituzte kosta ahala kosta?

- Terroristak garela leporatzen digutelako.

- Nolatan?

- Lehen gure sorterriko etxeetatik bota, gero hemen Gazan pilatu eta hemendik auskalo nora, sionisten Israel Handia edo Trumpek proposaturiko Riviera eraikitzearren, alde egiteari uko egiten diogulako.

- Baina, ama, zer dela eta hainbeste gorrotatzen gaituzte sionistek zein hauei laguntzen dietenek?

- Historiaren zaborra garelako, galtzaileak, edonon eta edonorentzat soberan gaudelako.

- Ez al gara gizakiak?

- Badirudi ezetz, alabatxo!