- Amama, normala al da suertatzen ari den hau guztiau?
- Zer, maitia, zetaz zabitz?
- Badakizu, amama, Trumpismo garaipen erabatekoa eta honekin batera orain arte ezaguturiko oreka soziopolitiko mundialaren txikizio zoroa, Europar Batasuneko buruzagien armamentu lasterketa zoroa edota inork ez hautatutako Elon Musken moduko personaje ahalguztidun zoroen nonanahiko esku-sartzea hainbeste eskuratzen kostatu zaizkigun giza eskubideen murrizketa edo erabateko ezabaketa ere eraginez.
- Hainbeste kezkatzen al zaittu, laztana?
- Zelan ez, amama, badaukat ustea, susmoa agian eta batipat beldurra, XX mendearen lehen erdialdera bueltan gaudela! Hau da, gizakiok azken hamarkada hauetan pairatu, sufritu edo bakarrik ezagutu behar izandako ezbeharrek, gerrek, triskantzek edota gatazkek ezertarako balio ez balute bezala, hau da, hainbesteko tragediatik ezelako ikasbiderik atara ez bagenu bezala.
- Hara, ene txikiña, benetan uste al zeuen gizakiek egunetik egunera gizaki izateari itxikotziela?
- Ez dakit ba, hori ez al da haur eta gazteon betekizuna, esperantzari eustea?
- Bada, bai...
No hay comentarios:
Publicar un comentario