ASTEKOAK

-Eta hau, jai guztiau, zer ospatzen ari dira?

-Atzo Nafarroan Corona Virusek jotako lehenengo gaixoa egiaztatu zutela.

-Eta?

-Badutela beste aitzakia bat bailaratik Iruineraino ez jaisteko.

-Prebentzio ona.

- Ez, ezta inolako prebentziorik, hiriburura joatea batere gustuko ez dutela baizik...

-Denok hilgo gara egundoko oinaize-minetan!

-Bai noski. Baina nola, Corona Virusek jota, Zaldibarkoak, Aldaketa Klimatikoak, transgenikoek, Trumpen lerdokeriak, Rosaliaren musikak?

-Ez, bizitzak. Bizitza da izurriterik hilgarriena, zitalena!

-Eta ez al dago bizitzari aurre egiteko txertorik?

-Ez, bat ere ez, gehien jota hainbat aringarri edo paliatibo.

-Zeintzuk, zeintzuk??!!!

-Ondo pasau eta gutxi gastau!

-Nola?

-Berri txarrak euren neurrian hartu: baina sekula ez senetik atera.

-Ondo ba, edateari emango diot.

-Horixe esan nahi nuen, bai.