Gizarte sareetan ia dena itxura da, gezurra hein handi batean, hots, eta betiere salbuespe diren lau katuak kenduta, hemen eskeintzen edo erakusten den adiskidetasuna ispilu bat baino ez da, egiazko adiskideen ispilukeria. Baliteke dena ispiluzko adiskideez osaturiko sarea izatea, hots, ispilutik at berehalaxe huts bilakatzen direnak, atoan deseustatzen direnak. Beharbada harazgizkoa ez dena ezin delako inoiz haragi izan ez baldin bada zombi gisa edo. Badaude, ordea, ispilutik haragira aldatzeko gai diren adiskideak, berriro diot baietz; baina, ez baldin gara bi munduon arteko aldeaz jabetzeko gai, orduan jai dugu, alajaina. Haragizko adiskidetasunak usteltzen dira hildakoan ezari-ezarian, ispiluzkoak ordea kristalezko huts bilakatzen dira di-da batean. Edonola ere, hau da, ispilua ezustean edo apurtu arte, segi dezagun aurrera jaiarekin.
No hay comentarios:
Publicar un comentario