ARRAINDEGIAN

   

    Baietz ba oso aspergarria, egoskorra, ipurterrea eta gura adina naizela; baina, gero eta nekosoagoa egiten zait Gasteiza eta bertako jendilajearekin tratuan egitea Asturiasekoen aldean. Esaterako, gaur goizean goiz biharko itsaski arroza prestatzeko superrera jaitsi naizela, arrain-saltzaileari arrozerako zapo edo kongrio zati bat eskatu eta berak ezetz, osorik eroan behar nuela

- Zelan ba, bizi osoan arrozerako zatixak eruan ein dittut.

- Oin ez, arrain osoa eruan biezu.

- Bale ba, eta muskuilu edo mejilloi poltsa osua be hartu biot?

- Bai.

- Baina, nik erdixa baino eztot gura... Gainera, ni bizi nazen hurixan, Oviedon, problema barik emuten duste.

- Ondo ba, hamen ez, ez zauz Oviedon...

- Txipiroiak garbiketana hobe dauket ez itauntzia be, ezta?

- Ez...

- Eta noztik daukotzue bezeruai gauzak ez errazteko politika bitxi hau?

- Barkatu?

Ba hori, beste behin ere, enegarrenez egia esanda, harrituta, nire hiri gorroto/maitagarrian txitean-pitean topatzen dudan bezeroekiko tratu benetan zantar eta batik bat antikomertzialarekin.

Eta bai, baliteke norbaitek bere buruari galdetzea zer dela eta berbeta Debagoieneko euskaraz; baina, ni oso maltzurra naizenaz gain, nik uste dena ez duzuela jakin behar.