-Leitu al duzu albistea, zer deritzozu?
-Ez dut leitu, ez, zein berri?
-"» Iruzurraren aurkako borrokak %5,3 igo du zerga zorren kopurua; datu hori «urrats esanguratsua da», Ogasuneko zuzendari Xabier Olanok atzo Batzar Nagusietan azaldu zuenez. Teknikariek diote azaleratutako zor osoaren %70 inguru berreskura daitekeela"
-Zer deritzodan, primeran, jakina, bazen garaia, aspalditik premiazkoa. Nik neuk betidanik esan dut, hemen lau katu txotxolok baino ez ditugu zergak ordaintzen, gainerako listopasatuak ordea gure bizkar bizi bitartean.
-Nik beti ere esan dut, ezta inolako taiuzko eragozpen ekonomiko edo teknikorik, politikarien borondate falta ikara/lotsagarria omen zen auskalo zer dela eta...
-Horixe, borondatea da gakoa. Horrexegatik ere datozen hauteskundeetan nire botoa izango dute.
-BILDUkoek?
-Hostia! Ez naiz konturatu...
-Zertaz ba?
-Ba ezin diedala BILDUkoei ezer onik aitortu nahita ere...
No hay comentarios:
Publicar un comentario