HOBE ERRENA!

Bitxia bezain samingarria da zenbait gasteiztar erakunde famaturen euskararekiko arduragabekeria, areago euskararen aldeko bultzatzaile suharrak direla behin eta berriro aldarrikatzen direnenei dagokienean. Norbaitek asma al lezake antzerako zerbait erdaraz eta inor ez asaldatzea edo eskolagabekoen eskuetan gaudela lau haizetara, ezin ozenago, salatzea guztiz minduta: ¡ya a ñegado lo mejor! Edonola ere, baliteke esamolde asmatu bat izatea: "hobe (h)errena", hau da, "Play off hau (h)errenka eta guzti irabaz genezake, tira ba, guretzat hobe!".