"...Nik neuk ez nuen gizon hura ezagutzen. Nere arima, adorea, irmotasuna, ausardia, etsipenak ere ez. Ez dut sinesten bila ibili gabe aurkituko zuenik egia. Ez dut uste, halaber, itzaltzen zihoan bere begiradak kezkaz beteriko bizitza honi, bistakoak diren maltzurkeriei ospakizunik, garaipenei, nahiz sufrimendurik gabeko kapitulazioei, edota amore-emateei neurria hartu zienik. Ez dut uste nora goazen ulertu zuenik, ezta zer daukan pozgarri eta baliotsurik gure atzera-egite asaldatu honek. Eta hala eta guztiz ere, hemen dago... berak hala aukeratua..."
Hazten zihoan marmar isil bat entzun nuen. Itota iristen zitzaizkidan elkarrizketa-zatietatik ondorengo ideia hau osa zitekeen: "Zer dio honek.." Norbaitek besotik heldu ninduen. Sorbaldak astindu eta bizkorrago hasi nintzen hizketan:
"...Zer datorkit burua, hilobi honen alboan nagoelarik?"
KONPROMISOA - Sergei Dovlatov
No hay comentarios:
Publicar un comentario