MAROTOK BADU OSO HARREMAN GARRANTZITSU BAT...

Honakook BERRIAN Gasteizko alkate Maroto jaunari irakurri berri izandakoak:

"Gasteizen Bildurekin daukagun harremana oso garrantzitsua da"

- "Hiriburu Berdea hiriaren eraldaketa prozesuaren abiapuntua da Gasteizentzat".

- "Bildurekin dugun harremana hiriko erabakietarako oso garrantzitsua izan da Gasteizek aurrera egiteko. EAJrekin, PSErekin eta Bildurekin bat egin badezaket, ez diot horri uko egingo. Eta entzun behar duenak entzun dezala".

- "Garoñaren jarduera luzatzearen kontrako iritzia eman nuen bezala, lehenik eta behin Gasteiz eta gero alderdiaren siglak hartu ditut aintzat".

- "Bilbokoa eta Donostiakoa baino handiagoa da Gasteizko Udalaren euskarazko eskaintza. Ziurrenik gehiago egin daiteke, eta Gasteiz antzokia euskarazko kultura indartzeko baliagarri izango da".

Bueno, bueno, aho bete hortz eta guzti utzi naute adierazpenok, benetan diot, badutelako bere zer pentsatua. Baina, zer izan da hau entzunda gero atoan gogora etorri zaidan aurrenekoa? Tira, ba, ezin besterik, goiko kanta aspaldiko eta agian ene ustez puskat txepel ere hau.