Bart berrirakurria Ramon Saizarbitoriaren HAMAIKA PAUSO eleberrian. Gauza bitxi bezain barregarria, agian ere guztiz beharrezkoa gurean ia dena serioegia omen delako eta halako gauzak topatzeak ni behintzat ikaragarri alegeratzen nau.
Euskaldunen genitalitate eragotziaz mintzatuko zen gero, eta horren ondorio izan daitekeen oralidadeaz.
-Beharbada, hor datza euskaldunok jateko dugun zaletasun neurriz gainekoaren esplikazioa. Sabela emakume haurdunaren neurrira gizenmtzea lortzen dugun arte. Libreki espekulatuz, trabestismo era ezkutuko baten adirazgarri litzateke.
Hain zuzen ere, pontxo berdez jantziak esplikatzen zuena:
-Bueno, yo lo he debido leer en alguna parte, y seguramente es pura especulación -esan zuen norbait iraintzeko beldurrez-. Alguien, no sé quién, decía que el hombre vasco se refugia en la sociedad huyendo de la mujer, pero precisamente para, poniéndose el delantal, asumir roles que son tradicionalmente femeninos.
Zigarro bat pizteko denbora hartzen du, eta bitartean inork ez dio isilunea ebakitzen. Badaki guztien interesa hartu duela.
-Una forma particular de travestismo que estaría en relación con una sexualidad cuando menos particular.
Berriro ere algarak.
-No me digas que no lo sabias.
-No lo sabia, de verdad.
Honainokoa lagun batzuen arteko eztabaida arin zein asperren arloan kokatua. Noraino egiazkoa ote? Auskalo, baliteke, bai. Edonola ere, nik gurago ditut hau bezalako sasi-ikerketak-edo askoz mamitsuagoak edo sakonagoak diren gainerakoak baino; nahiago ditut ni ere kopetaraino nagoelako gure buruaz eta aspaldi honetan gogoko dudan ia bakarra gure buruaz barre egitea baita.
No hay comentarios:
Publicar un comentario